Dear Jane Dear Jane係當日最後一場，我走得比前幾場更近。 與現場觀眾大合照，不經意地幫羅信記賣廣告。
2013年賽車搖滾音樂祭 part 4
C Allstar 其實我覺得佢地同Rock又無咩關係, 但係佢地選左首歌叫"音樂殖民地"就同Band sound有好大關係, 大約十多年前, 仲係CD主導Mp3及互聯網初起的年代, 音樂殖民地雙周就是我們了解Indie Band既最快最新既媒介, 佢係一本只有封面係彩色, 內頁全黑白的基本上純文字的音樂雜誌, 每兩個星期, 我地就要去報紙檔搵MCB, 有時熱門樂隊出碟, 個期就好快就賣哂。MCB基本上除左Pop之外, 咩都介紹, 由樂隊組成, 出碟有咩理念, 有時佢會做電話訪問, 令讀者從白紙黑字上就能穿越浩大的音樂領域。 因為MCB, 我把午飯換成面包, 省下來的錢就去山林道間cd舖進貢, 後來進貢點轉左去信和地庫間動物園, 到後來"啪"一聲MCB決定停刊, 轟動Indie圈, 大家都在想沒有袁志聰的日子我怎麼過? 後來我亦轉到廣州讀書, 展開掃卡口碟生涯, 一箱一箱從廣州帶回香港, 家裡滿櫃的CD, 都是拜袁志聰所致。 最後同義工們大合照
2013年賽車搖滾音樂祭 part 3
LAVY 一出場就俾到人"老江湖"既感覺，全晚最洗我腦既歌： Felicity ，哩兩日我重複又重複聽既歌，班霸就係班霸，兩個字，正！ Vincent 件 Grand prix 60皮樓 Bassist Angelo De Assis Guitarist: Oide Yaz A rock kid! 又一次與樂手交流的攝影，佢地交足台風。
2013年賽車搖滾音樂祭 part 2
Blademark 刃記 成隊band都好有力量好多動作, 由於快門慢少少就番個led screen, 所以按快門時間要好準, 要等百強一個movement與另一個movement之間的停頓位按快門, 早少少或者遲少少就catch吾到張sharp image。 你睇下百強幾大汗就知佢地跳得好密同快, 套用佢地有個說法就係, 刃記當每一場show都係一個戰場, 睇完佢地既live, 我知道哩句說話一d都無誇張。 下面哩張bassist Raymond, 我超喜歡。 不忘捕捉下Andy Lei個型仔樣。 哩張百強特意配合的, 雖然我未catch到best moment, 不過同樂手有互動感覺好正。 哩張食正個backlight, 轉BW, 低contrast, 是日The best photo of 刃記。遺憾是結他手的頭被擋住了。
2013年賽車搖滾音樂祭 Part 1
以前睇X Japan live, 當佢地表演緊個陣, 佢地既攝影師攝錄師可以行到埋去面對面拍攝, 我個時諗, 到底點解要行甘近去影哩? 到後來學攝影, 先明白行得愈近拍得愈好的道理, 拍音樂會以前都拍過好多次, 但係甘大型既band show, 而且地點仲要係響噴水池就真係第一次, 老實講由我睇Woodstock開始就覺得open air既band show永遠都係最正, 今次仲要係澳門最出名既band既表演, 所以我由接里單job既時候, 就已經決定要影一d觀眾看不到的角度。 在一個event中, 你可以講攝影只是一種紀錄的工具, 但加入美感同含意之後, 攝影就有千千萬萬既變化, 而不單單是買機及按快門。 當日去到場地, 發現背景是一塊live led screen, 一影之下發現出來張相睇到個led screen一線線甘, 估計是快門太快把led停住了, 我即時whatsapp Thomas Kwok求證一下, 結果佢都係答我係快門速度問題, 最後要把快門調至~100/s, 先至catch到完整影像, 不過其實一線線既效果都吾錯。 台中間條梯啟動儀式後，就搬左去旁邊，可以企到同個台一樣高, 令我可以有更多拍攝角度。 Fall to fly Black Sheep