C Allstar 其實我覺得佢地同Rock又無咩關係, 但係佢地選左首歌叫"音樂殖民地"就同Band sound有好大關係, 大約十多年前, 仲係CD主導Mp3及互聯網初起的年代, 音樂殖民地雙周就是我們了解Indie Band既最快最新既媒介, 佢係一本只有封面係彩色, 內頁全黑白的基本上純文字的音樂雜誌, 每兩個星期, 我地就要去報紙檔搵MCB, 有時熱門樂隊出碟, 個期就好快就賣哂。MCB基本上除左Pop之外, 咩都介紹, 由樂隊組成, 出碟有咩理念, 有時佢會做電話訪問, 令讀者從白紙黑字上就能穿越浩大的音樂領域。 因為MCB, 我把午飯換成面包, 省下來的錢就去山林道間cd舖進貢, 後來進貢點轉左去信和地庫間動物園, 到後來"啪"一聲MCB決定停刊, 轟動Indie圈, 大家都在想沒有袁志聰的日子我怎麼過? 後來我亦轉到廣州讀書, 展開掃卡口碟生涯, 一箱一箱從廣州帶回香港, 家裡滿櫃的CD, 都是拜袁志聰所致。 最後同義工們大合照
2013年賽車搖滾音樂祭 Part 1
以前睇X Japan live, 當佢地表演緊個陣, 佢地既攝影師攝錄師可以行到埋去面對面拍攝, 我個時諗, 到底點解要行甘近去影哩? 到後來學攝影, 先明白行得愈近拍得愈好的道理, 拍音樂會以前都拍過好多次, 但係甘大型既band show, 而且地點仲要係響噴水池就真係第一次, 老實講由我睇Woodstock開始就覺得open air既band show永遠都係最正, 今次仲要係澳門最出名既band既表演, 所以我由接里單job既時候, 就已經決定要影一d觀眾看不到的角度。 在一個event中, 你可以講攝影只是一種紀錄的工具, 但加入美感同含意之後, 攝影就有千千萬萬既變化, 而不單單是買機及按快門。 當日去到場地, 發現背景是一塊live led screen, 一影之下發現出來張相睇到個led screen一線線甘, 估計是快門太快把led停住了, 我即時whatsapp Thomas Kwok求證一下, 結果佢都係答我係快門速度問題, 最後要把快門調至~100/s, 先至catch到完整影像, 不過其實一線線既效果都吾錯。 台中間條梯啟動儀式後，就搬左去旁邊，可以企到同個台一樣高, 令我可以有更多拍攝角度。 Fall to fly Black Sheep
吳仕明隸書作品展
這個周未，是書法家吳仕明先生的隸書作品展，有幸參與其一連兩天的講座作攝影紀錄，實在非常榮幸！整個講座，吳老師對藝術追求令我深刻，其中一句話是這樣的: ‘ 練字，一開始你可以模仿別人，練熟了幾套技巧，再把其融合，創出自己的風格才能自立門戶。’ 我覺得藝術創作包括攝影，都應該是這樣，一條有受歡迎的配方，往往受攝影師們追捧，畢竟職業攝影是為了某利求存，但要把攝影提升到藝術層次，要不斷尋求突破才能開創出一條新的道路，才能突破生存的框框。 點擊觀看主辦單位新聞稿 Photography by Roy Yeung Remark: Canon 5D mark III,Canon 24-70mm 2.8 II, 580 EX II, 3200K color gel, Lightroom fine tune. Contact email: royyeungphotography@gmail.com Contact phone no.: +85266089800, +85366125884 Wechat ID: royyeungphoto